كعكة النسكافيه على طريقة زينة

مرحبا لكل المتواجدين هون

انا لفيت بهالقسم و شفت كتير حلويات و اكلات لذيذة

و خطر على بالي اكتبلكم طريقة عمل كعكة النسكافيه

بما اني امبارح عملتها ...

و كانت كتير زاكية على حسب شهادة الي داقوها


طريقتها كتير سهلة و كل المواد سهله تكون متوافرة باي بيت

رح ابدا

المقادير :

كاستين و نص طحين 2,5
كاسة سكر كبيرة (على حسب الرغبة كمية السكر)
ملعقة ملح صغيرة
ملعقتين نسكافيه كبار
اربع بيضات
كاسة زيت قلي
بكنج باودر معلقتين كبار
و فانيلا
حليب حسب الرغبة


مقادير صوص النسكافيه

كاسة سكر كبيرة
اربع معالق نسكافيه كبار
ماء


هلأ خلينا مع طريقة التحضير ::

زهقتوا صح

رح احكيلكم نكتة بس ضلكم متابعين للاخر لانها كتير زاكية

هذا مرة واحد كان ماشي بالشارع سأل التاني وين اقرب طريق اروح فيها المستشفى
قله التاني غمض عنيك و اقطع الشارع

هههههه بايخة

عدنا بعد الفاصل

هلأ طريقة التحضير

اول اشي خلينا نجهز الصوص :

1- بنغلي المي على النار
2- نضع السكر داخل المي تدريجيا مع تحركه حتى يذوب على الاخر
3- يتم وضع اربع ملاعق نسكافيه كبار
4- بعد ذلك يتم تركه حتى يبرد

و خلينا ننتقل كيف بدنا نعمل الكعكة

1- اول شي بنحط كاسة زيت القلي
2- نضع السكر فيه و يتم تحريكه جيدا حتى يذوب كل السكر
3- نضع فوقه اربع بيضات
4- يتم وضع ملعقة الفانيلا الكبيرة
5- و من ثم يتم خلط المواد مع بعضها حتى تصبح متجانسة
6- في هالوقت ما تنسى تكون مجهز الفرن طبعا و على حرارة عالية
6- هلأ بتحط حليب او عصير على حسب الرغبة فوق المواد و بتحركه منيح
8- و من ثم يتم وضع الطحين تدريجياً مع خلطه جيدا
9- و مع الطحين يتم وضع البكنج باودر اكيد
10 - و ضع ملعقتين النسكافيه
11- اذا لقيت بعد التحريك منيح انه كتير قاسية المواد و مش سائلة من مرة بتقدر اضيف كمان حليب بس لحد ما تلاقي المواد ماشية مع بعض حتى تسهل عملية الخلط . بس انتبه ما تخليها تسير كتير سائلة بتخرب
12 هلأ يتم وضع المواد بعد تحريكها منيح منيح في قالب الي بدك تخبز فيه
13 - بعدها وضعها بالفرن و هلأ بتعمل انه يكون الحرارة من فوق ومن تحت لمدة عشر دقايق
14 بعد العشر دقايق خلي الحرارة من تحت بس
15 تحذير: ما تفتح على الكعكة و هي بالفرن
16 بعد مرور نص ساعة لساعة الا ربع افتح عليها .. و تستطيع باستعمال شوكة انك تشوف الكعكة اذا استوت او لا .. اذا وضعت الشوكة و طلع عليها من السائل يعني لسه بدها وقت و اذا لا يعني جهزت

بعد ما تخلص الكعكة و تجهز .. بطلعها

و بالشوكة بتخزء فيها شوي و بكون السائل النسكافيه و المي و السكر بارد

بتحطه فوق الكعكة لحتى تشربه .. انتبه انه ما تشرب كتير كتير لحتى ما تتفتفت و تسير طرية كتير

يعني حط عليها من السائل مرة و بعد ما تشربه كمان مرة صغيرة بس

اه في شرط انه تكون الكعكة سخنه اول ما تطلع تحط عليها السائل و هي في القالب

بعدين بتخليها برة لحتى تبرد

و اذا حابب انك تحط كريمة النسكافيه

فهي طريقة عملها


..^*كريمة النسكافيه*^ ..

:: المقادير ::
نصف باكيت زبده
2 ملعقه صغيره نسكافه
بيضه
كاس سكر

:: طريقة التحضير ::

*يوضع السكر الزبده و جميع المقادير على النار

*تمزج جيدا حتى تغلظ ثم تسكب حالا فوق الكيك


هلا بهادي الحالة بتحطها فوق الكيك و بتدهنها منيح

و بعدها بشوي بتقدر تحط الكعكة بالتلاجة

اما اذا ما حطيت كريمة النسكافيه بس على السائل فما في ضرورة لوضعها بالتلاجة بكفي انها تتغطى منيح و بس

و ان شاء الله تكون عجبتكم طريقتي

و جربوها ما بتخسروا شي

انا كتير بعملهااا

و بتتطلع بتجنن و الله

يلا سلامي الكم و اذا جربتوها و طلعت زاكية لا تنسوني من دعاويكم و الردود طبعاً

زينة

كل الشكر لكي أختي زينة على هلكعكة

لو اني بعرفش اعملها حتى وهيها قدامي مكتوبة


بس بعطي الوصفة تاعتها للوالدة

بس بدك الصراحة جوعتيني

آحٍّلى زٍُيَنْـِِّة وٍآللهٍَ

آلنْكَتُِِّْهٍَ رٌٍوٍعًٍة ......... وٍآلآهٍَمً مًنْ آلنْكَتُِِّْهٍَ هٍَوٍ آلكَيَكَة .........

يَمً يَمً يَمً آلهٍَيَئة طُْيَبٌَِة كَتُِِّْيَرٌٍ

آنْ شًِْآء آللهٍَ لآزٍُمً جًِْرٌٍبٌَِ آعًٍمًلهٍَآ ... بٌَِسٌِِّ عًٍ مًسٌِِّؤوٍليَتُِِّْكَ .......

دًٍمًتُِِّْيَ بٌَِكَل آلخٌِيَرٌٍ يَآ زٍُيَنْة

هههههههههههههههههههههههه ما احلى النكته

يسلمو يا زينه بجد طيبه كتتتتتتير

زينة اسم على مسمى يعطيك العافية اختي



باينة لذيذة كتييير

واااااااااااااااو الله يعطيك الف العافية اختي