هذة قصة حبي الاول لا اعلم لماذا احكى لكم حكايتى ولكنى احتاج المساعده وللاسف لا يمكننى البوح بقصتى لاحد الاصدقاء او لاحد افراد عائلتي انا شاب فلسطينى مثلي مثل معظم شباب فلسطين المغتربين نعيش مشردين فى الدول الاخرى ولكنى احمل الجنسية الاردنية ولكن ابي ذهب لاحد الدول العربية منذ عشرين عاما عشت محروما من دفء الاهل والاقارب درست في هذة الدولة وحصلت على مؤهل جامعى ثم عملت فى احدى الشركات ومن هنا تبدء قصتى : بحكم عملي فانا اجلس اما الكمبيوتر ساعات طويلة احاول ان ارتب افكارى وانا اسرد اليكم قصتى لعلي اوصل لكم معاناتى من البداية المهم كانت بدايتى فى عملى بداية موفقة فعملت فى هذة الشركة فى عام 2001 حتى عام 2005 بكل نشاط واصبحت لى مكانة كبيرة فى الشركة وتبدل حال العمل واصبحت انا وصاحب الشركة فقط اسف على الاطالة اصبح العمل قليل واصبح الملل كبير فبدئت اذهب لبرامج الشات فى اوقات الفراغ وطبعا من اشهر برامج الشات برنام الياهو تعرفت على شباب من فلسطين وكانت اسعد لحظات اقضيها معهم وكالعادة كنا نتبارى ونتنافس من لدية اكبر مجموعة من الفتيات فكنا نقوم بعمل روم خاصة ونقوم بدعوة الفتيات ونقضى وقت لذيذ ظريف مليء بالضحكات والنهفات وتعرفت على فتاة فلسطنية تعيش فى احدى الدول العربية وكعادتى اخذتها للروم لكى تصبح واحدة من مجموعتنا ولكنى احسست انها مختلفة فلن تتأقلم معنا وقررت ان احتفظ بها صديقة خاصة لي ودامت علاقتنا 6 شهور كنا اصدقاء نلتقى مرة او مرتين فى الاسبوع وكنت انتظرها بفارغ الصبر وبعد ان تعمقت علاقتنا صارحتها بما اشعر بيه وكانت صدمتى حين قالت لى انها مخطوبة لاحد افراد عائلتها وذادت محبتى لهذة الفتاة وكبرت فى نظرى فهى فتاة صريحة لا تكذب كانت تصغرنى بخمس سنوات تقريبا وبعد مدة من الوقت سالتها عن حبيبها ئصدى خطيبها فصارحتنى انها لا تحبة فهو مجرد رجل مناسب تقدم لخطبتها وهى وافقت مثلها كمثل اى فتاة اخرى واحسست ان هناك امل واصبحنا نلتقى كل يوم نكتب ساعات وساعات واخيرا قالت لى احبك قالتها من خلف شاشة من بلد اخرى قالتها عن طريق لوحة المفاتيح ولم يعد يكفينى ان اقراء كلامها وحبها فاردت ان استمع لهذا الصوت ( طبعا اول ما اتعرفت عليها اسمعت صوتها عشان اتاكد انها بنت مش شب وبضحك علي ) وبدئنا مرحلة جديدة من الحب اصبحنا نتكلم يوميا عن طريق الميكرفون احببتها حب جنون وكنت اعتقدت انها تحبنى كما احبها كنت اعتقد انها لا تتلاعب بمشاعرى عامان كاملان وانا احبها وهى تحبنى نفرح ونزعل ونتعاتب ونترك بعض لمدة يوم او اثنين اعطيتها رقم هاتفى الخلوى واعطتنى رقم هاتفها وكنت اتصل بها فى الاعياد وكنت اترك امى تحادثها وتتعرف عليها صارحت اهلى برغبتى فى الزواج من هذة الفتاة واقنعت اهلى ووافقو ولكن المشكلة انها فى بلد اخرى واتفقنا ان نلتقى فى الاردن لكى اتقدم اليها واخطبها من اهلها وتركت اهلى وذهبت الى عمان وحدى وتركت عملى وذهبت الى عمان وحدى تركت اصحابي وكل الناس الي بعرفهم اسف راح اكمل كلامى بالعامية تركت كل الدنيا وروحت عشان اتزوج حبيبتى حلمى حياتى وبعد ما انزلت على عمان حكتلى انو خطيبها مش راضي ينزلها على عمان مع اهلها غير لما يكتبو الكتاب وكتبو الكتاب وما بدى احكيلكم شو صارلى وما بدي احكيلكم كيف كنت اعيط زى الولد الصغير ما بعيط على حالى بعيط وانا بسمع صوت حبيبتى وهى بتبكى وتحكيلى اهلى بكرهونى وما بحبونى ما فى حدا بحبنى فى الدنيا هاى غيرك كتبو الكتاب وقررت اقطع علاقتى بحبيبتى وقررت ارجع عند اهلى بعد ما لقيت شغل فى عمان وبراتب اضعاف راتبي القديم ولكن اجت حبيبتى على عمان وحكت معى وحكتلى نفسي اشوفك وشفتها وشافتنى بعد سنتين حب شفتها شفت اغلى انسانة عندى فالدنيا هاى كلها شفت الانسانى الي خلتنى ابيع الدنيا كلها علشانها حكتلى لسة بحبك وحكتلها انتى حياتى كلها انتى اول حب حقيقى بحياتى انتى عمرى كلة ولا يمكن انساكى وحكتلى انا مش راح اكمل معو انا بكرهه وما بحبو ورايحة اطلق انا مش متخيلة حدا تانى يلمسنى غيرك كان المفروض نقعد مع بعض ساعة بالكثير اعطيها هدية عشان اضلها متذكرانى طول العمر وتعطينى هديتها عشان اضل متذكرها طول العمر وبدل الساعة ئعدنا اربع ساعات ما اعرفنا كيف الوقت مرق وسلمت عليها وروحت روحت بعد ما ضحكنا ضحكنا بس مش على الشات لا فى الحقيقة حبيتها اكثر واتمسكت فيها اكثر وكنا يوميا نحكى تلفون مع بعض وشفتها تانى مرة وفى المرة هاى اعترفتلى بكل اشي حكتلى انها متزوجة من زمان حكتلى انها عندها اطفال حكتلى بحبك حسيت انى ئدام انسانة تانية مش هاى حبيبتى الي بعرفها انا ما حبيت امرءة متزوجة انا حبيت بنت ما اعرفت افكر صار احساسي فيها احساس رجل يريد امراءة حاولت معها حاولت ان اخذها الى شقتى فانا اعيش بمفردى ولكنها رفضت حكتلى بترضى تتزوج واحدة متزوجة ومخلفة حكتلها لا ما بئدر ما بئدر احكى لاهلى بدي اتزوج واحدة مطلقة وكانت مخلفة وتركنا بعض وروحت وانهرت بطلت احكى مع حدا بطلت اروح على شغلى كنت بعيط باعلى صوت ما كنت بعيط على المرأة المتزوجة لا كنت بعيط على حبيبتى الي ما الها وجود ورجعت حبيبتى على بلدها وراحت وتركتنى لحالى تركتنى بعد ما تركت الدنيا مشانها بعد ما اصحيت من الصدمة عملت كل اشي ممكن ينعمل عاشرت بنات الليل شربت الخمور شربت حشيش ولحد هلء وانا هيك بهرب من الئعدة لحالى بحب اضل برة مع الناس ما بحب ارجع على دارى وئعد لحالى حاولت احب عشان انساها اتعرفت على بنت وحكتلها بدى اخطبك وحكتلى اتركنى افكر وردت على بعد 3 ايام حكتلى انا موافقة بس بدنا نعرف بعض الاول واعرفنا بعض وحكتلى بحبك وحكتلها بحبك وانا مش حاسس بناحيتها باى شعور لسة بعيط علي حبيبتى الي بعيت الدنيا مشانها وتركتها وكملت بطريقى اروح على شغلى الصبح واضل الف طول الليل اروح عند اى حدا من اهلى اضل عندهم اروح لصحابي نشرب خمرة حشيش بنات اى اشي المهم ما ئعد لحالى وتعبت واخذت انذارين بالشغل بسبب اهمالى وتركت الطريق الي كنت ماشي فية وصرت اصلي ما افوت فرض واحد ضليت شهر بعيد عن الحرام بس ما انسيت حبيبتى وبعتتلى رسالة بعتتها بعد 3 شهور على تلفونى حكتلى لسة بحبك وهاى نمرة تلفونى الجديدة وارجعت احكى معها بس ما ئدرت اكمل مش هاى البنت الي بعيط عليها مش هاى حبيبتى وتركنا بعض وانقطعت اتصالتنا مرة تانية وانا لسة بعيط على حبيبتى الي مش ملاقيها وارجعت مرة تانية لنفس الطريق حشيش بنات خمرة ضياع حكيت احب كمان مرة حبيت المرة هاى بنت خالتى بنت متدينة محترمة قربت منها وقربنا من بعض كثير وحكيت خلص بدي اخطبها واخلص اى اشي وخلص بس بدي اتاكد من شعورها وحكتلى بحبك ونفس ما صار مع البنت الاولي ما حسيت باى مشاعر ما فى مقارنة بينها وبين حبيبتى الي بحبها ما فى مقارنه بينها وبين حبيتى الي بعيت الدنيا مشانها وصرت اتذكر حبيبتى كل كلمة كل همسة كل نفس واقارن بينها وبين بنت خالتى وكنت اغلط وانادي بنت خالتى باسم حبيبتى وتركتها ما ئدرت اكمل كنت كل يوم بعيط على حبيبتى ما انسيتها ولو لحظة وبعتتلى المرة هاى ايميل اغنية حزينة كثير وروحت على محل انترنت خوفت اتصل فيها تلفون ويكون جوزها جنبها فتحت الايميل ما لقيتها فتحت برنامج الشات الي كنا بنقضى فية معظم وقتنا وروحت على نفس الروم لقيتها بتضحك وتلعب ومشغلة اغانى اتصلت فيها وهنتها ونهيتها انها تبعتلى اى اشي بحياتها بس لسة بحبها بحبها والله بحبها ومش عارف شو اعمل نفسي احكى معها نفسي اسمع ضحكتها نفسي تكون الي نفسي ابطل اعيط كل يوم عليها يعلم الله انو دموعى نازلة وانا بكت هاد الكلام بس مش لاقى حدا احكيلو نفسي حدا يحكيلى شو اعمل نفسي انساها بس صعب صعب كثير لو بموت ما بنساها لو احب كل يوم 100 بنت ما بلاقى زيها بتعرفو ليش لانها وهم لانها مش موجودة على وجة الارض انا حبيت اشي مش موجود حبيت خيال هلء انا عايش حياة قذرة بحس بوحدة ما بحب اروح كل يوم بغضب الله سواء بخمور او حشيش او بنات ليل بس بعد ما اروح برضة بفكر بحبيبتى وبعيط شو اعمل كيف اتصرف اضلنى هيك ولا اتغير ولو بدي اتغير كيف اتغير احاول اصلى مش قادر اصلي اروح اتزوج مش لاقي حبيبتى وما بدي اظلم انسانة ما الها اى زنب تتزوج انسان معقد ارجع عند اهلى واترك شغلى ما بظن ائدر ارجع على البنت الى كنت عايش فيها انا حاسس انى ضايع ومش قادر اعمل اشي ما بسمع غير اغانى حزينة ما بدور غير على كل اشي حزين وبسمعو بحاول اضحك مع صحابي وبشغلى بس نفس النتيجة لما اصير لحالى بصير اعيط مشان الله احكولى شو اعمل انا مش قادر انساها ومش راح ائدر اتزوجها لو حكتلها اطلقى من زوجك وانزلى على عمان يمكن ما ئدرت اوصللكم اداش انا بفكر فيها يمكن ما حكتلكم شغلات كثير بس الملخص انى بتمنى اموت عشان اخلص من حبي حاسس انى ارتحت شوي لما حكيتلكم مشكلتى بس انا عارف بمجرد ما اروح بدي ارجع لنفس الحزن الي بعيش فيه او اروح ادور على ......... شكرا كثير انكم اسمعتونى واسف كثير انى طولت عليكم بقصتى .
حبي الاول او عذابي الاول 
.jpg)
العرض العادي
