ليت الزمن يرجع ورى وأعرف الناس .....
عرف (ن) يبدد من خفوقي ظلامه ....
وأعرف من اللي خوته ترفع الرأس ....
ومن خوته بلشه تجر الندامه .....
وأعرف من اللي صادق و كاذب إحساس ....
ومن هو الوفي اللي وفى في كلامه ....
وأعرف من اللي لاتضايقت ينحاس ....
واللي ليا من ضقت زاد الملامه .....
وأعرف من اللي للوفا دوم نبراس ....
ومن خان خلانه وسدد سهامه ....
وياليت من هو عارف طيب الساس ....
وياليت راع الطيب بوجهه علامه ....!
المشكله لا من غشى العين عوماس .....
ما عاد تعرف نورها من ظلامه ....
ومن عزتي شلته على هامة الرأس .....
وحفظة قدره لين يوم القيامه .....
ومن باعني بعته مثل ساير الناس .....
ونزل بوسط القلب عالي مقامه ....
ودام الوفا لي دايم الدوم نبراس ....
ماهمني غدر (ن) برى لي سهامه ....
وترى الوفا ماهو كلام بقرطاس ....
أصل الوفا فعل يصدق كلامه ....
وترى الوفا للخلق عز ونوماس .....
يعطي جميع الخلق قدر وكرامه ....
مير البلا في وقتنا صار ينداس ...
وخلوا الخيانه تعتلي فوق هامه ....
وياللي تدور (ع) الوفا بين ذا الناس ....
يمكن تحصل بعد يوم القيامه ....
تـحـيـــــــــــــــــــــــــــاتي
أنت غير مسجل في المنتدى. للتسجيل الرجاء اضغط هنـا 
للأوفيــــــــاء .. فقط ...... 
.gif)
mahmood.19
