غيري ينام ومهتني في منامه

غيري ينام ومهتني في منامه ... وانا لذيذ النوم مازار عيني

سهرانةٍ والليل مُوحش ظلامه ... يجمع لي احزاني ويدعي ونيني
ولّيت ياليل الأسى والندامه ... همّك توَطاني وبيّح كنيني
أبغا السلامه بس وين السلامه ... عيني تشوف وقاصراتٍ يديني
غيّب ضناي وغابت الإبتسامه ... حُكم المقدّر حال بينه وبيني
سجين ماأشوفه ولا أسمع كلامه ... ماغير طيفه كل لحظه يجيني
والسجن في الغربه يهز الكرامه ... ياحرّ كبدي بعد فرقا ضنيني
وين انت ياللي تستحق الزعامه ... يافزعة المضهود نعم العويني
ياخادم البيتين فخر الإمامه ... حبل الرجا ممدود بينك وبيني
أجبر كسر قلبي وحقق مرامه ... أفزع فديتك تكسب الأجر فيني
تكفا يا ابو متعب مقرّ الشهامه ... الحيل واهن والزمن مبتليني
قلبي ورا قضبان سجن المنامه ... ردّه عليّ تزين باقي سنيني
منقوول