(الموت في العراق)

(الموت في العراق)

جذاب اليكول انخاف جيت الموت وطبع بينة المنايه النفس والريه
مثل مر الكرام يفوت فوت الريح اذا ما يلكه الف ياخذله ستميه
عرفنه الموت كلش والحزن بالروح مايعََــله السهل ويهاب واديه
انه واصدقائي واهلي والجيران بعد جيت الحزن منجيب طاريه
واذا جابو حزن كون انه الاول بيه واذا ذكروني حزني ينذكر بيـه
واذا جابو جثث يتلثم التابوت ويكتله الخجل ويكول معليـــه
واذا نصبو الجادر والعزاء يصير اسحلهه سحل لو ماتجي النيه
واذا ادفع الواجب كمت اصيح بصوت ماحس جنة واجب جنة يوميه
لان كل يوم ميت بالطرف ينشال ومن كثر التموت الكمر ذب ضيه
وكل يوم المناية ادك علينة البوب عدكم ولد زايد عدكم بنيه؟
عدكم ولد بالغ طفلة يهل الدار عدكم شايب انتم بلكي حجيه
اوعيب انكول ماعدنة ونرجع الموت واذا نعتبره ضيف يكثر الجيه
او راح نخلص احنه وياعمر عشناه كل عمر الي عشته ضيم ماضيه
انه المحزون صدك قاربت يعقوب وانطاني الشهادة واكد عليه
منهو يكول يكدر عني مامحزون يعقوب امتحني وبيده حط ميه

****

م

ن

ق

و

ل